നടിയെ അക്രമിച്ച സംഭവത്തിലെ അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് ദിലീപിന്റെ മുന്കൂര് ജാമ്യാപേക്ഷ മാറ്റി.ബുധനാഴ്ചത്തേക്കാണ് മാറ്റിയത്.പ്രോസിക്യൂഷന് ആവശ്യ പ്രകാരമാണ് ഹര്ജി നീട്ടിയത്. ദിലീപ് ഉള്പ്പെടെ ആറ് പ്രതികളാണ് കേസില് പ്രതികളായുള്ളത്. ഇതില് ദിലീപും സഹോദരന് അനൂപും സഹോദരി ഭര്ത്താവ് സുരാജും ,ബന്ധു അപ്പുവും സുഹ്യത്ത് ബൈജുവിനേയുമാണ് ഹൈക്കോടതിയുടെ അനുമതിയോടെ അന്വോഷണ സംഘം ചോദ്യം ചെയ്തത്.മൂന്ന് ദിവസം ചോദ്യം ചെയ്തതിന് ശേഷം അതിന്റെ വിശദാംശങ്ങള് പരിശോധിച്ച് മുന്കൂര് ജമ്യാപേക്ഷയില് വിധിപറയാമെന്നാണ് ജസ്റ്റിസ്. പി ഗോപിനാഥ് തീരുമാനമെടുത്തത്. മുന്കൂര് ജാമ്യം നല്കരുതെന്നും പ്രതികളെ കൂടുതല് ചോദ്യം ചെയ്യാനുണ്ടെന്നുമാണ് പോസിക്യൂഷന്റെ നിലപാട്. ചോദ്യം ചെയ്യലില് പ്രതികള്ക്കെതിരെ ഗുരുതരമായ ചില തെളിവുകള് ലഭിച്ചിട്ടുണ്ടെന്നാണ് അന്വേഷണ സംഘം പറയുന്നത്.
