കണ്ണൂർ: ധർമ്മശാല ഹൈ ഫൈവ് ഇൻഡോർ സ്റ്റേഡിയത്തിന്റെ ആഭിമുഖ്യത്തിൽ ആഗസ്ത് 8, 9, 10 തീയതികളിൽ സംസ്ഥാന ഓപ്പൺ പ്രൈസ് മണി ടേബിൾ ടെന്നീസ് ടൂർണമെന്റ് സംഘടിപ്പിക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു. ടേബിൾ ടെന്നീസ് അസോസിയേഷൻ ഓഫ് കേരള, ഡിസ്ട്രിക്റ്റ് ടേബിൾ ടെന്നീസ് അസോസിയേഷൻ കണ്ണൂർ എന്നിവയുടെ സഹകരണത്തോടു കൂടിയാണ് ടൂർണമെന്റ് സംഘടിപ്പിക്കുന്നത്. 22 വിഭാഗങ്ങളിലായി 300 ഓളം താരങ്ങൾ മത്സരിക്കും.
ടൂർണമെന്റിന്റെ ഉദ്ഘാടനം ആഗസ്റ്റ് 8 ന് വൈകിട്ട് 4 മണിക്ക് മുൻ ദേശീയ വനിത ടേബിൾ ടെന്നീസ് താരം ജൂഡിറ്റ് കുട്ടി നിർവഹിക്കും. 10ന് വൈകിട്ട് നടക്കുന്ന സമാപന യോഗത്തിൽ പ്രശസ്ത പിന്നണി ഗായകൻ ജോബ് കുര്യൻ വിശിഷ്ടാതിഥിയായി പങ്കെടുക്കും. വാർത്താ സമ്മേളനത്തിൽ ജനറൽ കൺവീനർ കെ ബാബുരാജ് , ചെയർ പേഴ്സൺ ഉഷാ രാജ്, ഡോ ഇ വി സുധീർ , ഡോ കെ എം രശ്മിത, അരുൺ പോൾ എന്നിവർ പങ്കെടുത്തു.
