പത്താമത് ദേശീയ ആയുര്വേദ ദിനാചരണത്തോടനുബന്ധിച്ച് ഭാരതീയ ചികിത്സാ വകുപ്പും നാഷണല് ആയുഷ് മിഷനും സംയുക്തമായി സംഘടിപ്പിച്ച വിളംബര ജാഥ കെ.വി സുമേഷ് എം എല് എ കലക്ടറേറ്റ് പരിസരത്ത് ഫ്ളാഗ് ഓഫ് ചെയ്തു. ചികിത്സാ രീതികളില് പ്രഥമ സ്ഥാനമാണ് ആയുര്വേദത്തിനുള്ളതെന്നും ഇതിനെ പരിപോഷിക്കാന് വലിയ പരിശ്രമമാണ് സര്ക്കാര് നടത്തുന്നതെന്നും എം എല് എ പറഞ്ഞു. കണ്ണൂര് കലക്ടറേറ്റ് മുതല് പഴയ ബസ് സ്റ്റാന്റ് വരെയാണ് വിളംബര ജാഥ.
ആയുര്വേദം മാനവരാശിക്കും ഭൂമിക്കും എന്നതാണ് ഈ വര്ഷത്തെ പ്രമേയം. ആയുഷ് ജീവനക്കാര്, ഐ എസ് എം ജീവനക്കാര് എന്നിവര് വിളംബര ജാഥയില് പങ്കെടുത്തു. പരിപാടിയുടെ ഭാഗമായി പറശ്ശിനിക്കടവ് എം വി ആര് ആയുര്വേദ മെഡിക്കല് കോളേജ് വിദ്യാര്ഥികള് ഫ്ളാഷ് മോബ്, തെരുവ് നാടകം എന്നിവ അവതരിപ്പിച്ചു.
5 മിനിറ്റ് വായിച്ചു
