കണ്ണൂര്: സംസ്ഥാനത്ത് സ്വകാര്യ ബസ് ഉടമകള് സമരത്തിലേക്ക്. പ്രിയദര്ശിനി പദ്ധതി മൂലം സ്വകാര്യ ബസ് മേഖലക്കുണ്ടാകുന്ന നഷ്ടം പഠിക്കാന് നിയോഗിച്ച വിദഗ്ധ സമിതി റിപ്പോര്ട്ടിലെ ശുപാര്ശകള് അപര്യാപ്തമെന്ന് സ്വകാര്യ ബസ് ഉടമകള്. മിനിമം യാത്രാ നിരക്ക് 15 രൂപയാക്കണമെന്നാണ് സ്വകാര്യ ബസ് ഉടമകളുടെ പ്രധാന ആവശ്യം. മറ്റന്നാള് സമര പ്രഖ്യാപനം ഉണ്ടാകും.
കെ.എസ്.ആര്.ടി.സി പ്രിയദര്ശിനി പദ്ധതി നടപ്പാക്കിയത് മൂലം സ്വകാര്യ മേഖലയ്ക്കുണ്ടായ നഷ്ടം നികത്താന് റൂട്ടും സമയവും പുതുക്കണമെന്നത് ഉള്പ്പെടെയുള്ള ശുപാര്ശകളാണ് വിദഗ്ധ സമിതി റിപ്പോര്ട്ടിലുള്ളത്. ഒരേ റൂട്ടില് സ്വകാര്യ ബസുകളും കെ.എസ്.ആര്.ടി.സിയും സര്വീസ് നടത്തുന്നിടത്ത് സ്വകാര്യ ബസ് ഉടമകള്ക്ക് സാമ്പത്തിക നഷ്ടം ഉണ്ടാക്കുന്നു എന്നാണ് വിദഗ്ധ സമിതിയുടെ കണ്ടെത്തല്.
കെ.എസ്.ആര്.ടി.സി ഷെഡ്യൂളുകള് പുനക്രമീകരിക്കുക, സ്വകാര്യ ബസുകള് പാട്ടത്തിന് എടുക്കുക തുടങ്ങിയ ശുപാര്ശകളാണ് റിപ്പോര്ട്ടിലുള്ളത്. എന്നാല്, പ്രതീക്ഷയ്ക്ക് വക നല്കുന്ന ഒന്നും റിപ്പോര്ട്ടില് ഇല്ലെന്നാണ് സ്വകാര്യ ബസ് ഉടമകളുടെ പ്രതികരണം.
