പഴയങ്ങാടി : പുതിയങ്ങാടിയിൽ വാടക ക്വാർട്ടേഴ്സിൽ നിന്നും പാചക വാതക സിലിൻഡർ ചോർച്ചയെ തുടർന്നുണ്ടായ തീപ്പിടുത്തത്തിൽ അതീവ ഗുരുതരമായി പൊള്ളലേറ്റ ഒഡീഷ സ്വദേശി പരിയാരത്തെ കണ്ണൂർ മെഡിക്കൽ കോളേജിൽ ചികിത്സയിലിരിക്കെ മരിച്ചു. ഒഡീഷ സ്വദേശി സുഭാഷ് ബഹ്റയാണ് ഇന്ന് പുലർച്ചെ മരിച്ചത്. കഴിഞ്ഞ വെള്ളിയാഴ്ച്ച പുലർച്ചെ ആറു മണിക്കാണ് അപകടം.
പാചകം ചെയ്യുന്നതിനായി കത്തിച്ചപ്പോൾ സിലിൻഡറിൽ നിന്നും തീ ആളിപ്പടരുകയായിരുന്നു. അപകടത്തിൽ നാല് പേർക്കാണ് പൊള്ളലേറ്റത് ഒഡീഷ സ്വദേശികളായ ശിവ ( 31) നിഗം (40) ജിത്തു (28) എന്നിവർ കണ്ണൂർ മെഡിക്കൽ കോളേജാശുപത്രിയിൽ ചികിത്സയിലാണ്.
