ദസറയുടെ എട്ടാം ദിനത്തെ നടന ലഹരിയിലാറാടിച്ച് ആശാനടനം

കണ്ണൂരിനെ നൃത്ത ലഹരിയിലാറാടിച്ച് പ്രശസ്ത സിനിമ താരം ആശാശരത്തും സംഘവും അവതരിപ്പിച്ച ആശാനടനം കണ്ണൂർ ദസറയുടെ ഹൃദയം കവർന്നു. ഷൈജ ബിനീഷും ടീമും അവതരിപ്പിച്ച ക്ലാസിക്കൽ ഫ്യൂഷൻ ഡാൻസ് , ശ്രീഗംഗ എൻ കെ യുടെ ഭരതനാട്യം, ഇശൽ കണ്ണൂർ ആർട്സ് ക്ലബ്ബിൻ്റെ കൊട്ടിപ്പാട്ട് , അശ്വതി എ ടി വി യുടെ ക്ലാസിക്കൽ ഡാൻസ്, കെ എം ദേവികയുടെ ഭരതനാട്യം , കണ്ണൂർ കോർപറേഷൻ ജീവനക്കാർ അവതരിപ്പിച്ച ഫ്യൂഷൻ ഡാൻസ് എന്നിവയും അരങ്ങേറി. എട്ടാം ദിവസത്തെ സാംസ്കാരിക സമ്മേളനം തളിപ്പറമ്പ് നഗരസഭ ചെയർപേഴ്‌സൺ മുർഷിദ കൊങ്ങായി ഉദ്ഘാടനം ചെയ്തു.പ്രശസ്ത എഴുത്തുകാരനും കോളമിസ്റ്റുമായ രാംമോഹൻ പാലിയത്ത് വിശിഷ്ടാതിഥിയായിരുന്നു . കൗൺസിലർ എൻ സുകന്യ ടീച്ചർ അധ്യക്ഷത വഹിച്ചു. തുടർന്ന് അശ്വതി രജീഷ് കെ കെ യുടെ ഭരതനാട്യം, സിനി ടീം മാതൃ വേദി കീഴ്പ്പള്ളിയുടെ മാർഗ്ഗം കളി,ടീം ഡി ഐ എസിൻറെ ഒപ്പന , തളാപ്പ് റെസിഡൻറ് അസോസിയേഷൻറെ ഡാൻഡിയ എന്നിവക്ക് ശേഷം അവിയൽ ബാൻഡിൻറെ മ്യൂസിക്കൽ ഷോയും അരങ്ങേറ.