മുണ്ടയാട്: സിഇഒഎ കണ്ണൂര് ടൗണ് മേഖല കമ്മറ്റിയുടെ ആഭിമുഖ്യത്തില് ജെസിബി ഉടമകള് റാലി സംഘടിപ്പിച്ചു. മുണ്ടയാട് ഇന്ഡോര് സ്റ്റേഡിയത്തിനു മുന്നില് നിന്നാരംഭിച്ച റാലി സിഇഒഎ ജില്ലാ വൈസ് പ്രസിഡണ്ട് മനോഹരന് തറമ്മല് ഫ്ളാഗ് ഓഫ് ചെയ്തു. റാലി മേലേ ചൊവ്വയില് സമാപിച്ചു.
തുടര്ന്ന് നടന്ന പൊതുസമ്മേളനത്തില് നേതാക്കളായ മനോഹരന് തറമ്മല്, ഡി.സി. രൂപേഷ്, കെ.കെ. മമ്മു, സജാസ് എന്നിവര് സംസാരിച്ചു. മേഖലാ സെക്രട്ടറി ഏച്ചൂര് ഷാജി സ്വഗതം പറഞ്ഞു. 2025 ഒക്ടോബര് ഒന്ന് മുതല് മണ്ണ് മാന്തി യന്ത്രങ്ങളുടെ വാടക വര്ദ്ദനയുമായി ബന്ധപ്പെട്ട് നടത്തിയ റാലിയില് നിരവധിപേര് ടിപ്പറുകളിലെത്തിയാണ് പങ്കെടുത്തത്.
