ബി.എസ്. സി കോസ്റ്റ്യൂം & ഫാഷൻ ഡിസൈനിംഗ്, ബി.എസ്. സി ഇന്റീരിയർ ഡിസൈനിംഗ് & ഫർണിഷിംഗ് എന്നീ കോഴ്സുകളിലേക്ക് അപേക്ഷ ക്ഷണിക്കുന്നു.

കേരള സർക്കാർ സ്ഥാപനമായ കണ്ണൂർ തോട്ടടയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡം ടെക്നോളജിയുടെ കീഴിലുള്ള കോളേജ് ഫോർ കോസ്റ്റ്യൂം ആന്റ് ഫാഷൻ ഡിസൈനിംഗ്, കണ്ണൂർ യൂണിവേർസിറ്റിയിൽ അഫിലിയേറ്റ് ചെയ്ത് നടത്തി വരുന്ന ബി.എസ്.സി. കോസ്റ്റും ആൻ്റ് ഫാഷൻ ഡിസൈനിംഗ്, ബി.എ സ്.സി ഇന്റീരിയർ ഡിസൈനിംഗ് ആൻ്റ് ഫർണിഷിംഗ് എന്നീ കോഴ്‌സുകളിലേക്ക് അപേക്ഷകൾ ക്ഷണിക്കുന്നു.

കണ്ണൂർ യൂണിവേർസിറ്റിയുടെ www.admission. kannuruniversity.ac.in എന്ന സിങ്കിൾ വിൻഡോ വെബ്സൈറ്റിലൂടെ അപേ ക്ഷിക്കാവുന്നതാണ്. മാനേജ്‌മെൻ്റ് ക്വാട്ടയിൽ അപേക്ഷിക്കുവാൻ താൽപര്യമുള്ള വർ ഓഫീസുമായി ബന്ധപ്പെടേണ്ടതാണ്. അപേക്ഷകർ പ്ലസ്‌ടു പാസ്സായിരിക്കണം. അപേക്ഷകൾ സ്വീകരിക്കുന്ന അവസാന തീയ്യതി 31.05.2024. കൂടുതൽ വിവര ങ്ങൾക്ക് താഴെ പറയുന്ന നമ്പറിൽ ബന്ധപ്പെടുക

ഫോൺ 0497 2835390, 8281574390

എന്‍ എച്ച് 66 ചിറക്കല്‍ ഹൈവേ ജംഗ്ഷന് സമീപം കടലായി അമ്പലം – ചിറക്കല്‍ രാജാസ് ഹൈസ്‌കൂള്‍ – വെങ്ങര വയല്‍ വഴി അംബികാ റോഡില്‍ എത്തിചേരുന്ന പഞ്ചായത്ത് റോഡ് ടാറിങ് പ്രവൃത്തി നടക്കുന്നതിനാല്‍ മെയ് 17 മുതല്‍ 19 വരെ പൂര്‍ണമായും അടച്ചിടും.  വാഹനങ്ങള്‍ പുതിയതെരു ഹൈവേ വഴിയോ അല്ലെങ്കില്‍ വളപട്ടണം അലവില്‍ റോഡ് വഴിയോ പോകേണ്ടതാണെന്ന് പൊതുമരാമത്ത് വകുപ്പ് നിരത്തുകള്‍ ഉപവിഭാഗം കണ്ണൂര്‍ അസി. എക്‌സി.എഞ്ചിനീയര്‍ അറിയിച്ചു.

താവക്കര റെയില്‍വെ അണ്ടര്‍ ബ്രിഡ്ജ് – ആശിര്‍വാദ് റോഡ് ജംഗ്ഷനില്‍ ഇന്റര്‍ലോക്ക് പ്രവൃത്തി ചെയ്യുന്നതിനായി മെയ് 18 മുതല്‍ 20 വരെ ഇതുവഴിയുള്ള വാഹനഗതാഗതം നിരോധിച്ചതായി പൊതുമരാമത്ത് വകുപ്പ് നിരത്തുകള്‍ ഉപവിഭാഗം കണ്ണൂര്‍ അസി. എക്‌സി.എഞ്ചിനീയര്‍ അറിയിച്ചു. വാഹനങ്ങള്‍ പഴയ ബസ് സ്റ്റാന്റ് – മുനീശ്വരന്‍ കോവില്‍ – പ്ലാസ ജംഗ്ഷന്‍ വഴി പോകേണ്ടതാണെന്നും അറിയിച്ചു.

വെങ്ങര ജഗ്ഷനും വെങ്ങര റെയില്‍വെ ഗേറ്റിനും ഇടയിലുള്ള കലുങ്ക് പൊളിച്ചുമാറ്റുന്നതിനാല്‍ ഇതുവഴിയുള്ള വാഹനഗതാഗതം  മെയ് 17 മുതല്‍ 18 വരെ പൂര്‍ണ്ണമായും നിരോധിച്ചതായി പൊതുമരാമത്ത് വകുപ്പ് നിരത്തുകള്‍ ഉപവിഭാഗം കണ്ണൂര്‍ അസി. എക്‌സി.എഞ്ചിനീയര്‍ അറിയിച്ചു. പയ്യന്നൂര്‍, പഴയങ്ങാടി ഭാഗത്തുനിന്നും വെങ്ങര വഴി എട്ടിക്കുളം ഭാഗത്തേക്ക് പോകുന്ന വലിയ വാഹനങ്ങള്‍ ചൈനാക്ലേ റോഡ് വഴി പോകേണ്ടതാണ്.  ചെറിയ വാഹനങ്ങള്‍ ചൂരിക്കാട് റോഡ് വഴി മുട്ടം ഭാഗത്തേക്ക് പേകേണ്ടതാണ്.  മുട്ടം ഭാഗത്തുനിന്നും വരുന്ന ചെറിയ വാഹനങ്ങള്‍ കക്കാടപ്പുറം പ്രതിഭാ ടാക്കീസ് റോഡ് വഴി പഴയങ്ങാടിയിലേക്ക് പോകേണ്ടതാണെന്നും അറിയിച്ചു

ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുള്ള എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ മെയ് 13, 14 തിയതികളില്‍ രാവിലെ 10 മുതല്‍ ഉച്ചക്ക് ഒരു  മണി വരെ അഭിമുഖം നടത്തുന്നു.
നഴ്‌സറി ടീച്ചേഴ്‌സ്, ഓഡിറ്റേഴ്‌സ്, ഇന്റര്‍ണല്‍ ഓഡിറ്റേഴ്‌സ്, അക്കൗണ്ടന്റ്, ചീഫ് അക്കൗണ്ടന്റ്, ഡിജിറ്റല്‍ മാര്‍ക്കറ്റിങ്, ഓണ്‍ലൈന്‍ മാര്‍ക്കറ്റിങ്, മാര്‍ക്കറ്റിങ് എക്‌സിക്യൂട്ടീവ്, ഡെലിവറി വാന്‍ ഡ്രൈവര്‍, അക്കാഡമിക് കൗണ്‍സിലര്‍, ഏരിയ മാനേജര്‍, സീനിയര്‍ എ ആര്‍ ഡി എം, ക്ലസ്റ്റര്‍ ഡവലപ്‌മെന്റ് മാനേജര്‍, ടെലി കോളര്‍, ഫ്രണ്ട്് ഓഫീസ് എക്‌സിക്യൂട്ടീവ്, കാഡ്  ഡിസൈനര്‍, മാനുഫാക്ചറ്ററിങ് ട്രെയിനി എന്നീ തസ്തികകളിലാണ് ഒഴിവുകള്‍.

യോഗ്യത: എസ് എസ് എല്‍ സി, പ്ലസ്ടു, ബിരുദം, എം കോം, ബി കോം, ഐ ടി ഐ, ഡിപ്ലോമ, എന്‍ ടി ടി സി.
താല്‍പര്യമുള്ള യോഗ്യരായ ഉദ്യോഗാര്‍ഥികള്‍ക്ക് തിരിച്ചറിയല്‍ കാര്‍ഡിന്റെ പകര്‍പ്പും 250 രൂപയും ഒരു പാസ്‌പോര്‍ട്ട് സൈസ് ഫോട്ടോയും  സഹിതം എംപ്ലോയബിലിറ്റി സെന്ററില്‍ പേര് രജിസ്റ്റര്‍ ചെയ്ത് ഇന്റര്‍വ്യൂവിനു പങ്കെടുക്കാം.   നിലവില്‍ രജിസ്റ്റര്‍ ചെയ്തവര്‍ക്കും രജിസ്‌ട്രേഷന്‍ സ്ലിപ് സഹിതം വന്ന് പങ്കെടുക്കാം.  ഫോണ്‍: 0497  2707610, 6282942066

ചൂട് വർധിച്ച് ഉഷ്ണ തരംഗ സമാനമായ സാഹചര്യം നിലവിലുള്ളതിനാൽ ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും മെയ് ആറുവരെ അവധിയായിരിക്കുമെന്ന് ജില്ലാ കലക്ടർ അറിയിച്ചു.

സമ്മർ ക്ലാസ്സ്, സ്വകാര്യ ട്യൂഷൻ സെൻററുകൾ, സ്കൂളിലെ അഡീഷണൽ ക്ലാസുകൾ എന്നിവക്കും അവധി ബാധകമാണ്. വിദ്യാഭ്യാസ സ്ഥാപനങ്ങൾക്ക് ഓൺലൈൻ വഴി ക്ലാസുകൾ നടത്താം

കായിക മത്സരങ്ങൾ, കായികപരിശീലന പരിപാടികൾ, പരേഡുകൾ, എൻസിസി, എൻഎസ്എസ് സ്കൗട്ട് & ഗൈഡ്സ് തുടങ്ങിയവയുടെ അസംബ്ലികളും ഒഴിവാക്കേണ്ടതാണെന്ന് കലക്ടർ അറിയിച്ചു.

• മുൻകൂട്ടി നിശ്ചയിച്ച പൊതു പരീക്ഷകൾക്കും, സർവകലാശാല പരീക്ഷകൾക്കും അവധി ബാധകമല്ല.