തലശ്ശേരി നഗരസഭ ഗവ. ആയുർവേദ ആശുപത്രിയുടെ നേതൃത്വത്തിൽ ദേശീയ ആയുർവേദ ദിനം ആചരിച്ചു. നഗരസഭാ ചെയർപേഴ്സൺ കെ എം ജമുനാ റാണി ടീച്ചർ ഉദ്ഘാടനം ചെയ്തു. വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ രേഷ്മ അധ്യക്ഷയായി. ആയുർവേദ ദിനാചരണത്തിന്റെ ഭാഗമായി ഗവ ആയുർവേദ ആശുപത്രിയുടെ നേതൃത്വത്തിൽ വിവിധ പരിപാടികളാണ് സംഘടിപ്പിച്ചു വരുന്നത്. ‘തൊഴിലിടങ്ങളിൽ ആയുർവേദം’ നഗരസഭ ജീവനക്കാർക്കും ജനപ്രതിനിധികൾക്കുമായുള്ള ആയുർവേദ യോഗ പാക്കേജ്, ചിറക്കര ഹയർസെക്കൻഡറി സ്കൂളിൽ മെഡിക്കൽ ക്യാമ്പ്, ആശ വർക്കർമാർക്കുള്ള പ്രത്യേക ബോധവത്കരണ പരിപാടി, ഹരിത കർമ്മ സേന അംഗങ്ങൾക്കുള്ള ആയുർ രക്ഷ പരിപാടി, പാലിയേറ്റീവ് രോഗികൾക്കുള്ള പരിപാടി എന്നിവയും ദിനാചരണത്തിന്റെ ഭാഗമായി നടന്നു.
